Цел на Одржлив Развој 4
Вовед
Cевкупна цел на Цел на Одржлив Развој 4- Квалитетно образование
Четвртата цел на Одржливиот Развој е образовна цел која тежи „да обезбеди инклузивно и достапно квалитетно образование и да промовира можности за доживотно учење за сите.“ Четвртата цел на Одржливиот Развој е дефинирана со 10 цели и 11 индикатори. Подолу е листата со таргетите кои ја определуваат четвртата цел на одржливиот развој.
Цел 4.1: Бесплатно основно и средно образование.
Цел 4.2: Еднаков пристап до квалитетно предшколско образование
Цел 4.3: Еднаков пристап до достапно техничко, стручно и повисоко образование
Цел 4.4: Зголемување на бројот на луѓе со значителни вештини за постигнување на финансиски успех
Цел 4.5: Да се елиминира целата дискриминација во образованието
Цел 4.6: Универзална писменост и способност за употреба на броеви
Цел 4.7: Образование за одржлив развој и глобално државјанство
Цел 4.А: Изградба и обновување на инклузивни и безбедни училишта
Цел 4.Б: Побројни повисоки образовни стипендии за земјите во развој
Цел 4.Ц: Зголемување на бројот на квалификувани наставници во земјите во развој
Има и други цели на Одржливиот Развој кои директно се однесуваат на образованието. Тие се: Целта на Одржлив Развој 1 ( Крај на сиромаштијата), Целта на Одржлив Развој 3
(Добро здравје и благосостојба), Целта на Одржлив Развој 5 (Родова еднаквост), Целта на Одржлив Развој 10 (Намалени нерамноправности), Целта на Одржлив Развој 8 (Пристојна работа и економски развој), Целта на Одржлив Развој 9 ( Индустрија, иновации и инфраструктура) и Целта на Одржлив Развој 16 (Мир, правда и силни институции). Постигнувањето на Четвртата цел на Одржливиот Развој ќе помогне исто така и во постигнување на овие цели.
Зошто е тоа важно за образовната заедница?
Образованието овозможува средства за пренесување на знаења, вредности и вештини низ генерациите, давајќи му можност на општеството да постави темели за напредок во иднината. И покрај бројните активности превземени на овие нивоа, се чини дека јавната свест од Агендата 2030 и Целите на Одржливиот Равој сеуште останува релативно скромна, посебно кај обичните луѓе и во општините.Стратегиите за подигање на свеста и воспоставување комуникации често страдаат од недостатокот на одржливи и достаточни институционални и финансиски ресурси. Во следната фаза од имплементацијата постои потреба да се отпочне со активности за подигнување на свеста. Водењето грижа за одржливите и долгорочните промени во однесувањето кај младите генерации вклучено низ интегрирањето на Целите на Одржливиот Развој во наставните планови е важно.
Образованието е клучот кој ќе овозможи да се постигнат и многу други цели на Одржливиот Развој. Кога луѓето имаат можност да добијат квалитетно образование, тие можат и да излезат од кругот на сиромаштијата. Оттука произлегува и дека образованието помага во намалувањето на нерамноправноста и постигнувањето родова еднаквост. Тоа им овозможува на луѓето да водат здрав одржлив живот. Образованието е исто така многу значајно во поттикнувањето на толеранцијата меѓу луѓето и придонесува за градење помирни општества.
Клучните димензии на Цел на Одржлив Развој 4- Квалитетно образование
Образование за сите отсекогаш претставува неразделен дел од агендата на Одржлив Развој. Светскиот Самит за одржлив Развој во 2002 година го прифати Јоханесбуршкиот План за Имплементација, кој во својот Дел X ги реафирмира и Милениумската Развојна цел 2 за здобивање со универзално основно образование до 2015 година, и целта на Активности во Образование за сите според Рамката Дакар за да се елиминираат родовите разлики во основното и средното образование до 2005 година и во сите нивоа на образование до 2015 година. Јоханесбуршкиот План за Имплементација се повикува на потребата од интегрирање на одржлив развој во формалното образование во сите нивоа, како и низ неформални и помалку формални образовни можности. Постои напредок во интернационалното признавање на Образованието за Одржлив Развој како значаен елемент во квалитетното образование и клуч кој овозможува одржлив развој. Образованието за Одржлив Развој е тесно поврзано со интернационалните дискусии за одржлив развој, чија важност расте уште од појавата на Нашата Заедничка Иднина во 1987 година, давајќи ја првата широко употребувана дефиниција за одржлив развој како „развој кој ги задоволува потребите во сегашноста без компромитирање на способноста на идните генерации да ги задоволат своите сопствени потреби“. За постигнување на целите за квалитетно образование тоа значи дека, до 2030 година, се гарантира дека сите момчиња и девојчиња ќе завршат бесплатно, непристрасно и квалитетно основно и средно образование со постигнати значајни и ефикасни резултати во учењето, овозможувајќи им на сите момчиња и девојчиња пристап до квалитетен ран детски развој, грижа и предучилишно образование така што ќе бидат подготвени за поаѓање во основно образование, а на сите жени и мажи ќе им гарантира еднаков пристап до квалитетно техничко, стручно и третостепено образование, вклучувајќи и универзитети, зголемување на бројот на млади и возрасни кои ќе се здобијат со значајни вештини, вклучувајќи ги овде техничките и стручните вештини за вработување, пристојна работа и претприемништв о, гаранција дека сите млади, пропорционално застапени и млади и жени ќе се здобијат со писменост и нумерички способности, гаранција дека сите ќе се здобијат со знаења и вештини потребни за промовирање на одржливиот развој, вклучувајќи, меѓу другото и образование за одржлив развој и одржлив животен стил, човекови права, родова еднаквост, промовирање на култура на мир и ненасилство, почитување на културните разлики и придонесот на културата кон одржливиот развој, и до 2030 година значително зголемување на бројот на квалификувани наставници, вклучувајќи ја интернационалната соработка за обука на наставници во земјите во развој, посебно најнеразвиените држави и малите островски држави во развој.
Интеракција меѓу Цел на Одржлив Развој 4- Квалитетно образование и стекнувањето со вештините на 21 век
Вештините на 21 век се 12 способности кои им се потребни на денешните ученици за да бидат успешни во нивната кариера за време на Информатичката ера. Овие вештини се наменети да им помогнат на учениците да бидат во чекор со молскавично брзото темпо на денешните модерни пазари. Дванаесетте вештини на 21 век се:
– Критичко мислење
– Креативност
– Соработка
– Комуникација
– Информатичка писменост
– Медиумска писменост
– Технолошка писменост
– Флексибилност
– Лидерство
– Иницијатива
– Продуктивност
– Општествени вештини
Секоја вештина е единствена во тоа како им помага на учениците, но сите тие имаат една заедничка особина и се значајни во ерата на интернетот.
Секоја од овие вештини на 21 век е понатаму сместена во една од трите категории:
Вештини на учење
Вештини за описменување
Животни вештини
Вештините на учење ги учат учениците за менталните процеси потребни да се прилагодат и подобрат во модерната работна средина.
Вештините за описменување се фокусираат на тоа како учениците можат да ги распознаваат фактите, да објавуваат текстови и технологијата потребна за тоа. Силен фокус е ставен на разграничувањето на веродостојните извори и фактички информации и нивно одделување од дезинформациите кои го преплавуваат интернетот
Животните вештини се занимаваат со нематеријалните елементи од секојдневниот живот на ученикот. Овие нематеријални елементи се фокусираат и на личните и на професионалните квалитети.
Воопштено, овие категории ги покриваат сите 12 вештини на 21 век кои придонесуваат за идната кариера на ученикот.