Цел на Одржлив Развој 3
Вовед
Севкупна цел на Цел на Одржлив Развој 3 – Добро здравје и благосостојба
Добро здравје и благосостојба –Обезбедување здрав живот и промовирање на благосостојба за сите возрасти.
Светската здравствена организација (СЗО) го дефинираше здравјето како состојба на комплетна физичка, ментална и социјална благосостојба , а не нужно отсуство на болест или слабост.
Човештвото постигна значителен напредок во подобрувањето на здравјето на луѓето во светот. Научивме како да ги третираме и контролираме болестите кои убија милиони. Правото на здравје е признаено од голем број интернационални и регионални инструменти, започнувајќи од Универзалната декларација за човекови права (член 25), вклучувајќи ја и Интернационалната спогодба за социо – економски права (член 12), Конвенцијата за правата на детето (членови 6, 24), Конвенцијата за елиминирање на сите форми на дискриминација врз жената (членови 10, 11, 12, 14) и Европската социјална повелба.
Правото на здравје не треба да се разбере како право да се биде здрав, невозможно е да се обезбеди заштита од сите можни причини кои можат да го нарушат здравјето. Право на секој е, без дискриминација, да се ужива во различните услуги, капацитети и добра, како и во соодветни услови за живот кои се неопходни за да се зачува здравјето колку што е можно повеќе. Правото на здравје ги вклучува не само здравствените услуги, туку и условите кои се клучни за нашето здравје, вклучувајќи: пристап до безбедна вода за пиење, соодветни санитарни услови и засолниште, соодветна храна, здрави работни услови и животна средина, како и пристап до здравствено образование и информации.
Зошто е тоа важно за образовната заедница?
Една од важните насоки во превентивната едукација во училишниот простор е заштитата на здравјето на младите ученици. Оваа обука е дизајнирана да го прошири знаењето на учениците за важноста на здравјето, формирањето на активно разбирање на концептот на здрав начин на живот и превенција од лоши навики. Преку различни активности и предавања треба да се постигне следново:
– Ставање крај на епидемиите со КОВИД 19, Сида, туберкулоза, маларија и тропски болести, контрола на хепатитис, болести кои се пренесуваат преку водата и други заразни болести.
– Намалување на прераната смртност од незаразни болести преку превенција, третман и унапредување на благосостојбата на луѓето.
– Здравата исхрана е клучот за добро здравје и успех на училиште.
– Намалување на бројот на смртни случаи и повреди од сообраќајни несреќи ширум светот.
– Превенција од злоупотреба на дрога и користење на алкохол.
Клучни димензии на Цел на Одржлив Развој 3 – Добро здравје и благосостојба
– Намалување на смртноста кај мајки кои умираат при породувањето како последица од компликации
– Спречување на смртност кај новороденчиња и деца под петгодишна возраст
– Ставање крај на епидемиите од заразни болести како ХИВ/ СИДА, Хепатит и други преносливи болести.
– Едукација на населените на теми како превенција од злоупотреба на дрога и алкохол и проблеми со менталното здравје.
– Обезбедување информации за планирање на семејството, сексуалното образование и репродуктивното здравја.
– Обезбедување на право на здравје за секого, кое што вклучува висококвалитетна медицинска нега и достапни и економични лекови и вакцини.
– Преполовување на смртните случаи и повреди од сообраќајни несреќи на глобално ниво.
– Значително намалување на бројот на смртни случаи и болести од опасни хемикалии во воздухот, како и од загадена вода и почви.
Интеракција меѓу Цел на Одржлив Развој 3 – Добро здравје и благосостојба и стекнувањето на вештини на 21 век
– Подобрување на здравствената култура на родителите, семејството, адолесцентите и општеството воопшто.
– Подобрување на знаењата и пристапот до информации за прашања поврзани со концептот на зачнувањето, бременоста и породувањето, здравата исхрана и здравиот начин на живот, одгледувањето на децата и грижата за нив, со акцент на нивниот комплетен и хармоничен физички и ментален развој.
– Подобрување на квалитетот и обезбедување на полесен пристап до модерна разновидна здравствена заштита, терапии и консултации за семејствата и децата.
– Поддршка на семејствата и децата во финансиските потешкотии при добивање на соодветни терапии и медицинска нега.
