Цел на Одржлив Развој 8
Вовед
Севкупна цел на Цел на Одржлив Развој 8- Достоинствена работа и економски раст
Осмата цел на Одржлив Развој – Достоинствена работа и економски раст е една од седумнаесетте цели на Одржливиот Развој поставени од Обединетите Нации во 2015 година.
Целите на Одржлив Развој промовираат одржлив економски раст, повисоки нивоа на продуктивност и технолошки иновации. Поттикнувањето на претприемништвото и создавањето на работни места се клучни за ова, исто како и ефективните мерки за искоренување на принудната работа, ропството и трговијата со луѓе. Земајќи ги во предвид сите овие работи, целта е да се дојде до целосно и продуктивно вработување и пристојна работа за сите жени и мажи до 2030 година.
Осмата цел ги има следниве таргети:
8.1. Одржување на економски раст на глава по жител во согласност со националните околности и особено, барем седум проценти раст на бруто домашниот производ годишно во најмалку развиените земји.
8.2. Постигнување повисоки нивоа на економска продуктивност преку разноликост, технолошко надградување и иновации со фокусирање на сектори со високо-додадени вредности и интензивирање на трудот.
8.3. Промовирање на развојно-ориентирани политики кои даваат поддршка на продуктивни активности, креирање на пристојни работни места, претприемништво, креативност и иновации и поттикнување на формализирањето и растот на микро, мали и средни преттпријатија, вклучувајќи и пристап до финансиски услуги.
8.4. Прогресивен напредок на ефикасноста на глобалните ресурси во потрошувачката и производството до 2030 година и правење напор за одделување на економскиот раст од деградирањето на животната средина, во согласност со десетгодишната рамка на програмите за одржлива потрошувачка и производство, со тоа што лидерството го преземаат развиените земји.
8.5. До 2030 година, да се постигне потполно и продуктивно вработување и да се обезбеди пристојна работа за сите жени и мажи, вклучувајќи ги и младите луѓе и лицата со попреченост, како и еднаква плата за работа со еднаква вредност.
8.6. До 2020 година значително да се намали соодносот на млади луќе кои не се вработени, или пак не се вклучени во образовниот процес или обуки.
8.7. Да се преземат итни и ефикасни мерки за да се искорени принудната работа и да се стави крај на модерното ропство и трговијата со луѓе, и да се обезбеди забрана и елиминирање на најлошите форми на детски труд, вклучувајќи и регрутирање и искористување на деца војници, а до 2025 година да се стави крај на детскиот труд во сите негови форми.
8.8. Да се заштитат работничките права и да се промовира сигурна и безбедна работна средина за сите работници, вклучувајќи ги и работниците мигранти, особено жените мигранти и оние со несигурни вработувања.
8.9. До 2030 година, да се осмислат и имплементираат политики кои ќе промовираат одржлив туризам и ќе обезбедат нови работни места, а ќе ги промовираат и локалната култура и производи.
8.10. Да се зацврстат капацитетите на домашните финансиски институции, да се поттикнат и прошират пристапите до банкарски услуги, осигурување и финансиски услуги во целост.
8.А. Да се зголеми помошта за Трговската поддршка за земјите во развој , особено за најмалку развиените земји, преку засилена интегрирана рамка за техничка помош поврзана со трговијата за најнеразвиените земји.
8.Б. До 2020 година, да се развие и операционализира глобална стратегија за вработување на младите и да се имплементира Глобален Пакт за вработувања во рамките на Меѓународната Организација на Трудот.
Зошто е тоа важно за образовната заедница?
Една од клучните придобивки од изучувањето на Целите за Одржлив Развој е отворањето на широки перспективи на учениците кон заедници и искуства различни од нивните. Ова им помага на учениците да се развијат во поспособни и повешти граѓани на општеството и да им ги покаже начините на кои тие можат да ја променат иднината. Општеството има големи придобивки кога повеќе луѓе се продуктивни и придонесуваат за растот и развојот на својата земја. Продуктивното вработување и „пристојната работа“ се клучните елементи со кои може да се дојде до правична глобализација и намалување на сиромаштијата. Дополнително, невработеноста може да доведе до немири и да го наруши мирот доколку не се справиме со неа.
Клучни димензии на Цел на Одржлив Развој 8 – Достоинствена работа и економски раст
Осмата Цел од Одржливиот Развој има за цел да обезбеди инклузивен и одржлив економски раст низ светот, особено преку:
– остварување на целосно вработување, пристојна и продуктивна работа за сите и еднаква плата за еднаква работа до 2030 година;
– ставање крај на принудната работа и детскиот труд до 2025 година и справување со неформалната работа, на која жените и децата се најизложени;
– поддршка на инвестициите, претприемништвото и иновациите за да се засили создавањето на нови работни места;
Според Обединетите Нации, скоро 2.2 милијарди луѓе живеат во услови под долната граница на сиромаштијата и е се потешко да се најде пристојна работа. На глобално ниво, 200 милиони луѓе се невработени, а 1.4 милијарда луѓе работат на ранливи работни места, со 783 милиони кои работат а се сиромашни. Глобалниот родов јаз во платите изнесува 23 % и без значителни напори ќе бидат потребни уште 68 години да се добие еднаква плата за сите. Дополнително, неформалната работа поврзана со лошите услови за вработување, често претставува норма кога станува збор за вработување во партнерските земји и останува значаен предизвик кој треба да се решава.
Колку луѓе се невработени денес?
Пандемијата со Ковид 19 ќе има разурнувачки ефект врз светската невработеност. Меѓународната Организација на Трудот има проценето дека во втората половина од 2020 година работното време би можело да се намали за 14 %. Можното зголемување на невработеноста по 2020 година ќе зависи од напорите на поединечните земји да ги зачуваат работните места преку мерките кои ги имплементираат. Светот се соочува со рецесија која е многу посурова од онаа која го погоди во 2009 година.
Повеќе од еден на шест млади луѓе престанале да работат од пандемијата со Ковид 19, а оние кои успеале да ги задржат своите работни места опаднале за 23 %. Од сите стопански гранки туризмот е најпогоден од светската пандемија, што се должи на затварањето на границите, забраните за патување и епидемиолошките мерки. Меѓународните патувања би можеле да се намалат за 60-80 % во 2020 година во однос на 2019 година.
Пандемијата со Ковид 19 тешко погоди 1.6 милијарди луѓе од неформалната економија. Многу од нив не можат да сметаат и да се потпрат на заштеди. За нив кризата со Ковид 19 и останувањето дома поради епидемиолошкиѕе мерки значи губење на работното место. Што можеме да направиме за да ја подобриме ситуацијата? Да им овозможиме на младите луѓе образование и развој на вештини кои ќе ги задоволат барањата на пазарот на трудот. Да им овозможиме соодветна здравствена заштита и безбедна работна средина (заштита на работното место). На младите луѓе треба да им се овозможи продуктивно вработување, без оглед на родот или нивото на приходи. Државите треба да дадат поддршка на развојот на одржливи и иновативни економии, кои би го ставиле човекот во центарот. Исто така, посебно внимание би требало да се посвети на вработувањето на младите луѓе и зацврстувањето на положбата на жените во економијата.
Интеракција меѓу Цел на Одржлив Развој 8 – Достоинствена работа и економски раст и стекнувањето на вештини на 21 век
Вештините на 21 век се 12 способности кои им се потребни на денешните ученици за да бидат успешни во нивната кариера за време на информатичката ера. Дванаесетте вештини на 21 век се:
– Критичко мислење
– Креативност
– Соработка
– Комуникација
– Информатичка писменост
– Медиумска писменост
– Технолошка писменост
– Флексибилност
– Лидерство
– Иницијатива
– Продуктивност
– Општествени вештини
Овие вештини се наменети да им помогнат на учениците да се носат со молскавичното темпо на модерните пазари. Секоја вештина е единствена во тоа како им помага на учениците, но сите тие имаат една заедничка особина и се значајни во ерата на интернетот.
Секоја од овие вештини на 21 век е понатаму сместена во една од трите категории:
Вештини на учење
Вештини за описменување
Животни вештини
Вештините на учење ги учат учениците за менталните процеси потребни да се прилагодат и подобрат во модерната работна средина.
Вештините за описменување се фокусираат на тоа како учениците можат да ги распознаваат фактите, да објавуваат текстови и технологијата потребна за тоа. Силен фокус е ставен на разграничувањето на веродостојните извори и фактички информации и нивно одделување од дезинформациите кои го преплавуваат интернетот
Животните вештини се занимаваат со нематеријалните елементи од секојдневниот живот на ученикот. Овие нематеријални елементи се фокусираат и на личните и на професионалните квалитети.