Цел на Одржлив Развој 15
Вовед
Севкупна цел на Цел на Одржлив Развој 15 – Живот на копно
Заштита, обновување и промовирање на одржлива употреба на копнени екосистеми, одржливо менаџирање со шумите, борба против претварање на земјиштето во пустина и негово распаѓање, како и запирање на загубата на биодиверзитетот
Исчезнувањето на видовите отсекогаш е природен дел од еволуцијата. Фосилите покажуваат дека животот на планетата настанал пред повеќе од четири милијарди години, датумот на раѓање на некои бактерии и сино-зелени алги. Во текот на наредните три милијарди години, главните групи во телото полека се формирале. Оттогаш па натаму, секое појавување на нова група е поврзано со потиснување и исчезнување на друга слична на неа. Просечниот животен век на видовите (група на организми) е пет милиони години, со што целиот спектар на видови се сменил повеќе од еднаш. Меѓутоа, процесот не се одвивал секогаш со постојано темпо. Има неколку периоди на масовно исчезнување кои „избришале“ повеќе од половина од сите изумрени форми на планетата. Па дури и периодите на стабилност ( кои траеле од стотици до илјадници години ) се обележани со загуби на видови. Излегува дека во просек по 90 видови природно исчезнуваат на секои 100 години. Селективната елиминација на некои видови и доминантниот развој на други доведе до сегашниот мозаик на живот, од кој е дел и самиот човек. Процесот на природно губење на видовите продолжува и денес, но има уште една работа: човековата активност го забрзува се повеќе и повеќе. Има податоци дека околу 400 птици и цицачи исчезнале во последните 400 години и дека процесот се забрзува: од еден изумрен цицач на секои пет години во седумнаесеттиот век до еден на секои две години во дваесттиот. Треба да се забележи дека птиците и цицачите сочинуваат само 1 % од сите идентификувани видови од науката, кои пак од друга страна се незначителен дел од вкупниот број видови на Земјата. Овој тренд е индикативен показател, иако на дава одговор на прашањето „ Што е со биодиверзитетот?“ Денес научната заедница е едногласна: видовите исчезнуваат многу побрзо дури и од најпесимистичките прогнози, кое пак води кон осиромашување на живеалиштата и ставање на светот на работ на нов период на масовно изумирање, но овој пат предизвикано од човекот.
Зошто е тоа важно за образовната заедница?
На шумите им се заканува уништување и распаѓање. Заштитата на шумите е ефикасна мерка против глобалното затоплување и загубата на вредните екосистемски услуги. Многу е важно за развојот и образованието на учениците преку еколошки активности и предавања да се спасат загрозените растителни и животински видови. Еден од главните пристапи за „заштита“ на биодиверзитетот и загрозените видови е зачувувањето и обновувањето на живеалиштата. Ативностите за зачувување насочени кон заштита на живеалиштата постигнуваат повеќекратен ефект – придонесуваат за заштитата на „објект кој е ставен под заштита“, како и на многу други видови и биодиверзитетот во целина. Во исто време, подобрувањето на состојбата на природните живеалишта има незапирлив еколошки ефект, подобрувајќи ги рекреативните и другите функции на живеалиштата. Исто така позитивно влијае и на чистиот воздух и вода, како и на можностите за развој на туризмот и одржливиот развој. И како последно, но не и најмалку важно- ја подобрува состојбата на животната средина и квалитетот на животот воопшто. Всушност, сите проекти за заштита на видовите содржат и елемент за заштита на живеалиштата. Потребна е мобилизација на потенцијалот на младите луѓе за заштита на дивиот свет и животната средина, заштита на шумите и нивно пошумување.
Клучни димензии на Цел на Одржлив Развој 15 – Живот на копно
– Заштита на ретките и загрозените видови и обновување на нивните живеалишта
– Обнова и одржливо менаџирање на мочуриштата
– Заштита, обновување и одржливо менаџирање на шумите, спречување на корупција и ловокрадството во шумскиот систем
– Проширување и зајакнување на мрежата на заштитени области и поддршка на изградбата на НАТУРА 2000 и Националната еколошка мрежа
– Поддршка за реформите во бугарското законодавство за заштита на природата и негово усогласување со европското законодавство
– Промовирање на примената на принципите на одржлив развој и промоција на еколошки економски активности.
Интеракција меѓу Цел на Одржлив Развој 15 – Живот на копно и стекнувањето на вештини на 21 век
– Поддршка за градење капацитети за зачувување на биодиверзитетот и одржливо користење на природните ресурси.
– Подигање на јавната свест и посветеноста на зачувувањето на природата и одржливиот развој.
– Зачувување на природата надвор од природните живеалишта – имплементација на програма за рехабилитација, третман и враќање на повредените диви животни во природата, во единствениот Центар за спасување на дивиот свет во земјата.
– Имплементирање на програми за репродукција и реинтродукција на ретки видови.