Десеттата цел на Одржлив Развој има за цел намалување на нееднаквостите во рамките на државите и меѓу државите. Оваа цел на Одржлив Развој повикува на намалување на нееднаквостите во приходите, како и на оние базирани на возраст, пол, попреченост, раса, етничка припадност, потекло, религија или економски или друг статус во рамките на една држава. Оваа цел исто така се однесува на нееднаквостите меѓу државите, вклучувајќи ги оние поврзани со официјално претставување, миграцијата и помошта во развојот.
Меѓународната заедница направи значителни чекори кон извлекување на луѓето од сиромаштијата. Најранливите нации – најмалку развиените држави, земјите во развој кои не излегуваат на море и земјите во развој на Малите Острови продолжуваат да прават исчекор кон намалување на сиромаштијата. Меѓутоа, нееднаквостите сеуште се присутни, а големите разлики во пристапот до здравствени, образовни и други услуги сеуште постојат.
Таргетите се:
10.1 До 2030 година прогресивно постигнување и одржување на растот на приходот на најдолните 40 проценти од населението со стапка повисока од националниот просек.
10.2 До 2030 година зголемување и промовирање на социјалната, економската и политичката инклузија за сите, без оглед на возраста, полот, попреченоста, расата, етничката припадност, потеклото, религијата и економскиот или друг статус.
10.3 Обезбедување на еднакви можности и намалување на нееднаквостите во разултатите, вклучувајќи елиминирање на дискриминаторските закони, политики и практики и промовирање на соодветно законодавставо, политики и активности во тој поглед.
10.4 Прифаќање на политики, особено фискални политики и политики за плати и социјална заштита и прогресивно постигнување на поголема еднаквост.
10.5 Подобрување на регулирањето и мониторингот на глобалните финансиски пазари и институции за зајакнување на имплементацијата на таквите одредби.
10.6 Да се обезбеди поголема застапеност и право на глас за земјите во развој во донесувањето на одлуки за глобалните интернационални економски и финансиски институции, со цел да се обезбедат поефикасни, кредибилни, одговорни и легитимни институции.
10.7 Овозможување на мирна, безбедна, регуларна и одговорна миграција и мобилност на луѓето, вклучително и преку планирани и добро менаџирани миграциони политики.
10.А Имплементирање на принципот на посебен диференцијален третман за земјите во развој, особено најмалку развиените земји, во согласност со договорите на Светската Трговска Организација
10.Б Поддршка на официјалната развојна помош и финансиски текови, вклучувајќи и странски директни инвестиции за земјите каде тоа е најпотребно, особено најмалку развиените земји, африканските земји, малите островски земји во развој и земјите кои не излегуваат на море, во согласност со нивните национални планови и програми.
10.Ц До 2030 година да се намалат на помалку од три проценти трансакциските трошоци за испраќање пари за мигрантите и да се елиминираат коридорите за испраќање пари со трошоци повисоки од пет проценти.
Нееднаквостите базирани врз приходите, полот, возраста, попреченоста, сексуалната ориентација, расата, класата, етничката припадност, религијата и можностите продолжуваат да опстојуваат насекаде низ светот, во рамките на државите и меѓу државите. Нееднаквоста го загрозува долгорочниот социјален и економски развој, го кочи намалувањето на сиромаштијата и го уништува чувството на исполнетост и самовреднување кај луѓето. Ова пак, од друга страна, може да предизвика појава на криминал, болести и деградација на животната средина. И што е најважно, ние не можеме да постигнеме одржлив развој и да ја направиме планетата подобра за сите ако луѓето се исклучени од можностите, услугите и шансите за подобар живот.