Цел на Одржлив Развој 17
Вовед
Севкупна цел на Цел на Одржлив Развој 17 – Партнерства за постигнување на целите
Седумнаесеттата цел на одржлив развој се однесува на „партнерствата за целите“. Таа е една од седумнаесетте цели на одржлив развој поставени од Обединетите Нации во 2015 година, а нејзината официјална формулација е „Зацврстување на средствата за имплементација и ревитализација на глобалното партнерство на одржливиот развој“. Целта има 17 сопствени таргети кои треба да се постигнат до 2030 година, кои се поделени во пет категории: финансии, технологија, градење капацитети, трговија и системски прашања. Седумнаесеттата цел на Одржлив Развој има 19 таргети и 24 индикатори кои се користат за мерење на напредокот. Таргетите се:
Цел 17.1: Мобилизирање на ресурсите за подобрување на наплатата на домашниот приход
Цел 17.2: Имплементирање на сите обврски за развојна помош
Цел 17.3: Мобилизирање на финансиски ресурси за земјите во развој
Цел 17.4: Помош на земјите во развој во постигнувањето на одржливост на долговите
Цел 17.5: Инвестирање во најнеразвиените земји
Цел 17.6: Споделување на знаења и соработка за пристап до науката, технологијата и иновациите
Цел 17.7: Промовирање на одржливи технологии во земјите во развој
Цел 17.8: Зајакнување на капацитетите на науката, технологијата и иновациите во најмалку развиените земји
Цел 17.9: Засилување на капацитетот на целите на одржлив развој во земјите во развој
Цел 17.10: Промовирање на универзален трговски систем во рамките на Светската Трговска Организација (СТО)
Цел 17.11: Зголемување на извозот во земјите во развој
Цел 17.12: Отстранување на трговските бариери за најмалку развиените земји
Цел 17.13: Засилување на глобалната макроекономска стабилност
Цел 17.14: Засилување на кохерентните политики за одржлив развој
Цел 17.15: Почитување на националното лидерство за имплементирање на политики за целите на одржлив развој
Цел 17.16: Засилување на глобалното партнерство за одржлив развој
Цел 17.17: Поттикнување на ефективни партнерства
Цел 17.18: Подобрување на пристапноста до веродостојни податоци
Цел 17.19: Понатамошно развивање на мерењата на напредокот
Зошто е тоа важно за образовната заедница?
Децата кои се сега во училишните клупи ќе израснат во возрасни личности во се поизразено меѓусебно поврзано и мултикултурно општество. Учениците треба да бидат свесни за културните норми и разлики ширум светот за да можат да успеат во нивниот напредок. Целите на одржлив развој се универзални за сите луѓе и се својствено глобални по природа. Учењето за овие иницијативи им помага на учениците да развијат сознанија за разни прашања ширум светот, како што се недостатокот на пристап до чиста вода и родовата еднаквост. Овие прашања на можат да се раздвојат од културата, и за да ги разберат во потполност целите на одржлив развој, учениците треба да научат за светот околу нив. Седумнаесеттата цел на Одржлив Развој има за цел да ја ревитализира и засили способноста на владите, граѓанските општества, приватниот сектор, Обединетите Нации и другите засегнати страни да ги мобилизираат потребните ресурси. Подобрувањето на ефикасната поддршка за земјите во развој, посебно за најмалку развиените земји и малите островски држави е суштинско за еднаков напредок за сите. Неуспехот во потпомагањето на глобалните партнерства ќе доведе до залудно потрошено време, пари и животи. Кога владите, бизнисите и граѓанското општество се фокусираат на нивните области на експертиза и соработуваат за изнаоѓање решенија, можеме да ја подобриме ефикасноста и да овозможиме сите да бидат свесни за приоритетните активности кои можат да ги преземат во нивните области на одговорност.
Клучни димензии на Цел на Одржлив Развој 17 – Партнерства за постигнување на целите
Седумнаесеттата цел на одржлив развој повикува на глобално партнерство на одржлив развој. Целта ја нагласува важноста на глобалната макроекономска стабилност и потребата од мобилизирање на финансиски ресурси од меѓународни извори за земјите во развој, како и преку зајакнати домашни капацитети за собирање на приходи. Целта исто така ја истакнува и важноста на трговијата за земјите во развој и непристрасните правила во управувањето со меѓународната трговија. Седумнаесеттата цел на одржлив развој понатаму ја нагласува важноста на пристапот до науката, технологијата и иновациите, посебно информатичката и комуникациската технологија базирани врз интернетот. За да се постигнат целите на одржлив развој неопходна е потребата од партнерства меѓу владите, приватниот сектор, граѓанското општество и други групи. Поботатите економии, како на пример Европската Унија, можат да го поддржат спроведувањето на Агендата 2030 во земјите во развој преку јавни и приватни, домашни и меѓународни ресурси. Овие ресурси можат да бидат и финансиски и нефинансиски. Светот денес е помеѓусебно поврзан од било кога до сега, што делумно се должи на дигиталната технологија. Целите на Одржлив Развој можат да се постигнат само со силна посветеност на глобалното партнерство и соработка.
Интеракција помеѓу Цел на Одржлив Развој 17 – Партнерства за постигнување на целитеи стекнувањето на вештини на 21 век
Вештините неопходни да се биде успешен во светот се менуваат и постои јаз меѓу оние кои се учат во училиштата и оние кои се потребни за да се функционира на работа или во општеството. Поширок опсег на вештини е потребен за учење, комуникација, соработка и решавање на проблеми во дигиталните средини. Вештините на 21 век се идентификувани од УНЕСКО, Организацијата за Економска Соработка и Развој (ОЕСР) и други како компетенции потребни за одржлива иднина во општството. Целта беше да се научат принципите на дизајнирање кои се вклучени во инкорпорацијата на овие вештини во наставните програми и да се изнајдат можните начини за нивно подучување и оценување, како и да се испита како овој процес може да се приближи до употребата на информатичката и комуникациската технологија (ИКТ). Решавањето на комплексни предизвици, како и сегашната и идната неизвесност се во срцето на Агендата 2030 и поради тоа се во фокусот на седумнаесетте цели на одржлив развој првично замислени од Обединатите Нации да одговорат на критичките глобални предизвици, а за да ги надминат истите потребни се клучни компетенции кои ќе им овозможат конструктивно и одговорно да се ангажираат во денешниот свет и активно да се вклучат во потребните трансформации. Целта е да се промовираат сеопфатни програми за Образование за Одржлив Развој и Образование на Глобалното Општество преку вештините на 21 век фокусирани на креирање на образование за одржливост на идните генерации професионалци. Постојат различни концепции за 21 век предложени од различни организации, како што се: Организацијата за образование, наука и култура на Обединетите Нации (УНЕСКО), Организацијата за економска соработка и развој, Партнерство на вештините на 21 век, Оценување и подучување на вештините на 21 век и други. Сите тие предлагаат да се сместат вештините на 21 век во срцето на индивидуалното учење. Иницијативите варираат од такви кои се грижат за подготовка за светот на работата и идните професии со идеја за одржување на економијата, до оние чиј примарен фокус е посветеноста на одржливата економија и свест за значајноста на зачувувањето на планетата и нејзините ресурси. Додека да се усогласат за основите, секоја организација носи дополнителни идеи за концептот на вештини на 21 век.