Цел на Одржлив Развој 6
Вовед
Севкупна цел на Цел на Одржлив Развој 6 – Чиста вода и санитарни услови
Водата е извор на живот на планетата Земјата, огромна природна скапоценост која покрива 71 % од површината на нашата планета, најшироко распространетото хемиско соединение и неопходна основа за постоењето на целиот живот на планетата. Високата застапеност во растенијата (до 90%) и во човечкото тело (до 70 %) само ја потврдува важноста на оваа компонента, која нема ни вкус, ни мирис ни боја. Улогата на водата во човечкиот живот е непроценлива: се користи за пиење, во исхраната, за перење, како и за разни други потреби во домаќинството и индустријата. Водата е живот. Улогата на водата во човековиот живот е определена според нејзината застапеност во телото и органите, од кои секоја клетка е богата со воден раствор со неопходни хранливи материи. Водата е едно од ефективните средства на физичкото образование, нашироко употребувана за лична хигиена, рекреативно физичко образование, зајакнување и спортови на вода. Ова се должи на геофизичките услови, човековата економска активност, честопати непромислена и неодговорна, што значително го зголемува товарот врз водните ресурси и доведува до нивно загадување. Огромна количина на вода се користи за потребите на градовите и индустријата, кои не само што ја конзумираат туку и ја загадуваат водата, исфрлајќи околу два милиони тони отпад во водните тела секој ден. Истото важи и за земјоделството, каде милиони тони отпадни производи и ѓубрива се излеваат по водните патишта од фармите и полињата. Во Европа, од 55 реки само 5 се сметаат за чисти, додека во Азија сите реки се во голема мера загадена со земјоделски отпад и метали. Во Кина, 550 од 600 града се соочуваат со недостиг од вода; како резултат на огромноте загадување, рибите не преживуваат во водените површини, а некои реки кои се влеваат во океанот едноставно и не стигнуваат до него.
Зошто е тоа важно за образовната заедница?
Прашањето за заштита на изворите на вода од загадување и исцрпување е актуелно ширум светот. Иднината на човештвото е доведена во прашање во однос на водата за пиење. Чистата вода за пиење ќе биде високо вреднувана, исто како дел од стоките кои моментално се сметаат за луксуз. Зачувувањето на чистотата на водата за пиење и обезбедувањето на населението со чиста вода за пиење е прашање од огромно здравствено, економско и социјално значење за целото човештво. Тоа е важно за развојот и образованието на учениците што ќе се постигне преку еколошки активности и предавања за зачувувување на чиста вода. Филозофијата на раководењето со животната средина се фокусира на разумно и економично користење на ресурсите за да се постигне рамнотежа меѓу:
– краткорочен / долгорочен економски бенефит;
– долгорочна заштита на животната средина;
– правилно раководење со структурите и процесите на животната средина; Во таа смисла, тоа е процес на контрола врз човековата активност, која што влијае врз животната средина, а крајната цел е сведување на штетните ефекти на минимум. Кога младите луѓе се информирани, тие почнуваат да живеат на еколошки начин кој позитивно влијае врз животната средина.
Клучни димензии на Цел на Одржлив Развој 6 – Чиста вода и санитарни услови
– Да се обезбеди пристап до чиста вода за пиење за сите луѓе ширум светот.
– Да се обезбеди пристап до санитарни и хигиенски услови (сигурни канализациони системи и правилно раководење со отпадот) и граѓанско образование за здравствените и хигиенските навики на луѓето ширум светот.
– Следење на квалитетот на водата за да се намали нејзиното загадување.
– Заштита и обновување на водните екосистеми, вклучувајќи планини, шуми, мочуришта и реки.
Интеракција меѓу Цел на Одржлив Развој 6 – Чиста вода и санитарни услови и стекнувањето на вештини на 21 век
Да се подобри и оптимизира употребата на водата со развивање на подобри технологии за нејзина повторна употреба. Заштедата на вода бара малку труд, но сето тоа вреди. Немојте да мислите дека вашите активности и постапки не се важни. Секој што има желба може да го промени својот животен стил со цел да ја намали потрошувачката на вода. Важната работа овде е тоа што секоја промена станува одржлива навика, а не моментален феномен. На луѓето од различни заедници им треба поголемо знаење кое игра важна улога во подобрувањето на раководењето на користењето на вода и санитарните услови.