Цел бр.7 од Целите на Одржлив Развој
Недостатокот од пристап до снабдување со енергија и трансформативни системи го кочи човековиот и економскиот развој. Животната средина обезбедува низа обновливи и необновливи извори на енергија, како на пример сончева енергија, енергија од ветер, хидроенергија, геотермална енергија, биогорива, природен гас, јаглен, нафта и ураниум.
Зголемената употреба на фосилни горива без превземање на активности за ублажување на влијанијата од гасовите предизвикани од ефектот на стаклена градина ќе предизвика импликации врз глобалните климатски промени. Енергетската ефикасност и зголемената употреба на обновливи извори на енергија придонесуваат за ублажување на климатските промени и намалување на ризикот од катастрофи. Одржувањето и заштитувањето на екосистемите овозможува користење и понатамошен развој на хидроенергетските извори на електрична енергија и биоенергија.
Седмата цел на Одржлив Развој има пет таргети:
Цел 7.1. До 2030 година да се обезбеди универзален пристап до сигурни, прифатливи и модерни енергетски услуги.
Цел 7.2. До 2030 година значително да се зголеми уделот на обновливите извори на енергија во рамките на глобалниот микс од енергетски извори.
Цел 7.3. До 2030 година двојно да се зголеми глобалната стапка на подобрување на енергетската ефикасност.
Цел 7.а. До 2030 година да се зајакне меѓународната соработка за да се олесни пристапот до истражувања и технологија за чиста енергија, вклучувајќи обновливи извори на енергија, енергетска ефикасност и напредна технологија за фосилни горива, како и промовирање на инвестиции во енергетската инфраструктура и технологија за чиста енергија.
Цел 7.б. До 2030 година да се прошири инфраструктурата и да се унапреди технологијата за снабдување со модерни и одржливи енергетски услуги за сите луѓе во земјите во развој, посебно најмалку развиените земји, малите островски држави во развој, како и земјите во развој кои не излегуваат на море, во согласност со нивните соодветни програми за поддршка.
Постигнувањето на седмата цел на Одржлив Развој – обезбедување на пристап до прифатлива, сигурна, одржлива и модерна енергија за сите, со нејзините цели за универзален пристап, енергетска ефикасност и обновливи извори на енергија, ќе отворат нов свет на можности за милијарди луѓе. Тоа ќе ги постави темелите за искоренување на сиромаштијата, за активности поврзани со климатските промени и за одржлив свет. Едноставно земено, без напредок во седмата цел на Одржлив Развој, ќе биде невозможно да се постигне Агендата за Одржлив Развој од 2030 година и Парискиот договор за климатските промени.
Влијанијата на животната средина врз енергетските системи вклучува локално, регионално и глобално загадување предизвикано од согорувањето на горивата, климатските промени и влијанијата врз интегритетот и стабилноста на различните екосистеми. Прецизните влијанија зависат од видот на примарниот извор на енергија, технологијата на промени, големината и локацијата на системот и други фактори. Енергијата исто така во најголем дел придонесува за проблемите со здравјето на луѓето, воглавно од загадувањето на воздухот предизвикано од согорувањето на горивата.